Hvað er með konur í rauðum sokkum?

Var að lesa pistli hjá henni Þórgunni frá 16.des. Þar gagnrýnir hún fegurðarsamkeppnir. Las síðan í kjölfar þess að hafa skoðað kommentin sem Tóta fékk á sinn, pistil hans Gillzeneggers frá sama degi. Hann er að rakka niður mann sem skrifaði neikvæðan pistil um Unni Birnu og miss world. Tóta og Gillz eru hér á algjörlega öndverðu meiði. Ok. Fólk má hafa sína skoðun. Það sem stuðaði mig voru viðbrögðin við pistlinum síðarnefnda. Hér eru nokkrar tilvitnanir frá fólkinu sem kommentaði á pistilinn hans Gillz:


Ég held að Feministar ættu að fara að skammast sín og drulla sér í ræktina kanski gerist einhvað þá fyrir þesssar druslur og aumingja....
Ég er orðin rosalega leiður á þessu pakki og hvernig það rakkar allt niður það góða sem kemur fyrir okkur hin og hvernig það vill og ákveður!!! að fólk hagi EIGI sér og hvað fólki EIGI að finnast.
Ég held samt að það sé málið að fara drulla þetta pakk niður og ekki bara á einhverjum bloggsíðum heldur í fjölmiðlum líka, fólk er orðið svo hrætt við að standa í hárinu á þessu pakki. Segjum þeim það sem við erum að hugsa og látum þau finna fyrir sínu eigin meðalli.....
Bjössi

Tek undir með þér, snilldar pistill hjá þér strákur ! Þetta fólk sem er að röfla hefur bara mjög sterka minnimáttarkennd, ekkert öðruvísa en það. Frekar að vera stolt af stelpunni, samgleðjast henni.. stolt af þjóð sinni í leiðinni ! Er það ekki réttara.. en það eru víst alltaf tvær hliðar á öllum málum, alltaf einhver sem er ósammála, því miður.. !
Inga | Homepage |

Ef þú pælir í því þá er enginn fallegur að drulla yfir Unni eða þessa keppni! :D
Dísa :) | Homepage |

Vel mælt, Gillz, það þyrfti fleira fólk til að tala svona upp. Eina ástæðan fyrir því að femínistar eru til er af því að þeir eru öfunsjúkir í alla aðra og í staðinn fyrir að gera eitthvað í því fara þeir í mátmælagöngur og shit.
Árni

Feministar eru bara feitir, ljótir, ógeðslegir hálfvitar sem hafa aldrei fengið drátt á ævi sinni, hvað fá þeir eiginlega út úr því að niðurlægja eina fallegustu konu í heimi bara af því hún er falleg og í góðu formi, svo geta þessir ljótu helvítis feministar farið heim að rúnka sér eða fara niður í bæ að telja styttur eða eitthvað annað tilgangslaust sem þeir drepa tímann með, og Gilzenegger það þurfa fleirri eins og þú að segja þessum helvítis hvölum og svínum að halda fuckinn kjafti áður en þeim verður slátrað
Robbster

oki ég segi kannski ekki að feministar séu feitar og ljótar upp til hópa neitt en þær vita bara ekkert um hvað þær eru að tala og svo þegar þetta er farið að tala um að þessi kepni sé að stuðla að anorexíu og eitthvað hjá ungum stelpum það er náttúrulega bara kjaftæði....þar sem þessar stelpur sem keppa í þessu eru ekkert þannig allar neitt eins og Unnur Birna til dæmis...hún er bara MJÖG flott stelpa og á allt gott skilið... ég þekki hana ekki neitt en hef bara heirt góða hluti um hana og bara óska henni innilega til hamingju með þetta... ég personulega var MJÖG stolt af því að vera Íslendingur þegar hún vann þennan titil hehe
Gugga | Homepage |

Heyr heyr loksins lætur einhver annar í sér heyra með þetta ég er að verða geðveikur útaf þessum "rauðsokkum" Gillz ég er alveg sammála þér í þessu
Svenni | Homepage |

Ég get nú ekki sagt að mér finnist ég sjálf mjög falleg en ég styð nú samt hana Unni Birnu í öllu þessu
Hún er falleg, skemmtileg (að mér hefur heyrst) og þessi Eyvi er sá fyrsti sem ég heyri "segja" að hún sé hrokafull á einhvern hátt...
Þetta lið sem getur ekki sætt sig við það að það er GOTT að vera fallegur og að manni gengur vel í þessum heimi ef maður lýtur vel út geta bara hunskast í ræktina.. og ef þeir nenna því ekki þá skulu þeir bara koma sér í fitusog og lýtaaðgerð!
Mér finnst fáránlegt að fólk skuli VIRIKILEGA hrauna yfir greyið stelpuna fyrir að vera falleg! Þetta er so mikill BITURLEIKI!!!!!!!!!!!
GET A LIFE!
Eldbjörg | Homepage |

By the way þetta með að fegurðasamkeppnir ýti undir anorexíu, hvaða helvítis bull er það
Fegurðarsamkeppni kemur anorexíu anskotan ekkert við. Þetta eru bara flottar konur sem líta vel út. Þær eru ekki _ógeðslega_ mjóar , og þá meina ég þannig að það sjáist bara í bein. Þannig eru anorexíusjúklingar. Svo ég get ekki séð hvað þú meinar. Það að einstaklingur taki þá ákvörðun að æla matnum í staðinn fyrir að breyta mataræði og stunda hollan lífstíl er bara hans feilspor og heimska. Já heimska, því það er heimska að halda að konurnar hafi náð að líta vel út með því að æla matnum sínum eða jafnvel borða ekki neitt.
Sigurður

Unnur Birna er;
- að kenna litlum stelpum dans, sýna og læra dans sjálf
- sinnir áhugamáli sínu sem er hestamennska
- hún er stúdent
- hún er búin að vinna í löggunni
- hún er greinilega vinur vina sinna (ef þið lesið bloggið)
- stelpan er náttúrulega gullfalleg
- hún er með vöðva ekki bara skinn og bein.
- hún hefur þvílíka útgeislun
- hún vann Ungfrú Ísland
- hún vann Miss World
Geri menn betur?
Dísa :) | Homepage

Málið er bara að þegar einhverjum gengur vel með eitthvað eða í einhverju þá brýst út öfund. Hvað er þetta annað en öfund út i eitt. Ég er nú ung stelpa 24 og ég þoli ekki að heyra þessar kellingabeyglur fordæma henar þátttöku. Þeim dreymir um þetta sjálfar en þær hafa ekki neitt eru sennilega feitar og ófríðar. Unnur Birna er rosalega falleg stelpa og átti þetta skilið og hana nú og ps flott hjá Halldór Ásgísm að taka á móti henni og´senda henni skeyti. Og þið þarna bitra fólk skríðið bara inní einhvern helli og verið þar í staðinn fyrir að reyna að smita út frá ykkur eymdinni yfir því að aðrir eru að öðlast eitthvað gott í lífinu. Munið What goes aorund comes around
Anonymous

Ég hef nú ekki alltaf verið sammál Agli þegar hann er að blogga. En vá hvað ég er sammála þessu. Ég tel mig vera feministi af gamla skólanum. Og hreint og beint blöskrar hvernig það er verið að nota feminista orðið og grafa það í soran. Miðað við hve feminista félagið er búið að vera áberandi á síðustu misserum þá hlítur eflaust að vanta eithvað í sænginni hjá kellonum.
En og aftur frábær lesning..
Sigrún | Homepage |

Hólí mólí O.o Feministar eru að ganga yfir strikið!!!
Sigga | Homepage |

..og þetta er bara brot af þeim hunduðum kommenta sem ég nennti ekki að lesa öll!
Semsagt.
Það virðist vera ansi stór hópur fólks sem trúir því að feministahópar samanstandi af ljótum og feitum eldri konum sem eru þunglyndar og fá aldrei að ríða og að þær séu í opnu stríði við ungar fallegar konur sem gengur vel í lífinu. Feminismi byggi því á öfund í garð annarra kvenna og markmiðið sé að bæla niður frelsi þessara kvenna. Eina lausnin sem þetta fólk sér fyrir hina ófríðu feminista til að öðlast betra líf sé að hætta að grenja og fara í ræktina.
Hmmm.. eitthvað var nú barátta feminista öðruvísi síðast þegar ég vissi. Ég hélt við værum á góðri leið með að útrýma þessum kreddukenndu hugmyndum um feminista en nei, ekki bara að það séu unglingsstrákar á mótþróaskeiði og miðaldra karlrembur sem halda fast í þessar fáránlegu hugmyndir heldur eru stelpur líka forsvarsmenn í þessum hópi. Finnst mér þetta nokkuð áhyggjuefni. Mikið eiginlega.
Nú þekki ég nokkra feminista en hef ekki tekið eftir því að þær séu sérstaklega ljótar né feitar, þaðan af síður að þær eigi nokkuð erfitt með að næla sér í drátt eða hati allar konur sem gætu talist þeim fremri í fegurð. En það eru auðvitað bara þær sem ég þekki. Mögulega eru allir aðrir feministar landsins trukkalessur með loðna krika sem ganga ekki í brjóstahöldum og eiga sér þann draum æðstan að útrýma karlmönnum og fallegum konum.. hvað veit ég?

En mín skoðun. Ég lít ekkert sérstaklega á mig sem feminista en samt sem áður er ég hlynnt jafnrétti kynjanna sem er það sem ég hélt að feministar væru að berjast fyrir. Að sama skapi finnst mér fegurðarsamkeppnir frekar hallærislegt fyrirbæri. Ég hef farið á tvær slíkar til stuðnings vinkvenna minna. Annars vegar ungfrú norðurland og hins vegar ungfrú ísland. Það var ekki laust við að ég væri hálfsorgmædd með kjánahroll þegar ég áttaði mig á því að þarna sat ég og fylgdist með stelpunum ganga um á bikini og hælaskómí þeirri von að dómurunum þætti vinkona MÍN sætust. Og svo í úrslitunum þegar meirhluti stelpnanna fékk þau skilaboð að jú, þær uppfylltu staðlana sem settir voru af fegurðarsamkeppnisnefndinni, hver sem hún nú er, en að nei, þær væru ekki fallegastar, þrátt fyrir alla vinnuna sem þær hefðu sett í að megra sig, stinna sig, brúnka sig þá kæmust þær ekki á verðlaunapall fegurðarinnar.. en hei, það skiptir ekki máli því þetta snýst ekki um að vinna.. bara að (vera nógu sæt til að mega) vera með, eða hvað? Kannski er óvild mín í garð slíkra keppna sprottin út frá því að ég uppfylli ekki hæðartakmarkið og er ekki eins íturlega vaxin og æskilegt þætti. Ég held samt ekki. Auðvitað vilja allir fá viðurkenningu og flestum finnst gaman að heyra að þeir líti vel út. Sumir segja að það sé alveg eins hægt að gagnrýna keppnir í öðrum greinum sem byggja að hluta til á huglægu mati, eins og td. dansi eða hönnun. En afhverju er þá enginn að gagnrýna slíkar keppnir? Ef að gagnrýni byggist á öfund eins og sumir vilja meina af hverju eru hinir sömu og gagnrýna keppnir í fegurð þá ekki líka að gangrýna aðrar keppnir sem þeir geta ekki tekið þátt í, eins og td. hestamennsku eða fimleika? Kannski er það af því að svo mikil óhamingja kvenna virðist stafa af því að þeim finnist þær ekki nógu fallegar og áhyggjum af því. Þær uppfylli ekki staðla sem samfélagið hefur sett þeim og séu þess vegna ekki nógu góðar.
Ég held ekki að það að útrýma fegurðarsamkeppnum sé nein lausn á þessum vandmálum og margt mikilvægara að hugsa um eins og t.d. að uppræta mansal sem er algengara en flestir geta ímyndað sér, berjast gegn barnamisnotkun, berjast fyrir betri kjörum eldri borgara á íslandi, berjast fyrir betri menntakerfi á Íslandi og ég gæti líklega talið upp allt það sem mér finnst skipta máli og það hvort fegurðarsamkeppnir séu réttmætar myndi líklega enda neðst á þeim lista, enda erum við að tala um frjálsta val einstaklinga sem halda, taka þátt í eða horfa á slíkar keppnir.

En nú er ég löngu komin út fyrir viðfangsefnið.. af hverju ber þetta unga fólk svona mikið hatur i garð feminista? Ég skil það ekki. Feministar hafa ekki eyðilagt neitt fyrir mér, ég er ekki hrædd við þá og mér finnst þeir ekki uppáþrengjandi. Mér finnst þeir ekki upp til hópa heimskir, bitrir eða geðveikir. Hvaðan eru þessar ranghugmyndir sprottnar og afhverju beinist öll þessi heift gegn feministum út af grein þar sem einn maður skrifar níð um unni birnu. Ég hef það einhvernvegin á tilfinningunni að fólkið sem skrifar þessi komment sé ekki sérstaklega vel upplýst og viti í raun ekki hvað feminismi stendur fyrir né hverjir feministar á Íslandi séu. Hvað á tildæmis Sigrún við með að hún telji sig vera "feministi af gamla skólanum"? Að dæma af þeirri skoðun hennar að feministar séu misáberandi í samfélaginu eftir því sem þær fá mikið kynlíf og að hún sé alltaf sammála því sem Egill Gillzenegger segir þá finnst mér ólíklegt að hún hafi hugmynd um hvað feminismi er.. af gömlum skóla, nýjum skóla eða whatever.

Feministar á Íslandi eiga lengra í land en ég hélt fyrst að það er hópur ungs fólk sem virðist trúa því að þeir séu ógnarvald í ætt við nasista. Gangi ykkur vel feministar, ég stend með ykkur í þeirri baráttu að útrýma þessum fáránlegum staðalímyndum.
En eitthvað má læra af öllu, meiraðsegja stelpunni sem skrifaði um andtæðinga fegurðarsamkeppna : "Þeim dreymir um þetta sjálfar en þær hafa ekki neitt eru sennilega feitar og ófríðar"
Mér finnst þetta góð áminnig á það að maður verður að passa sig á því að gagnrýna ekki of hart hluti sem maður veit lítið eða ekkert um - ekki viljum við vera á sama plani og gáfnaljósið hann Sigurður sem skrifaði: "Það að einstaklingur taki þá ákvörðun að æla matnum í staðinn fyrir að breyta mataræði og stunda hollan lífstíl er bara hans feilspor og heimska"