[ mán. des. 01, 04:39:32 PM | Eva Signý | edit ]
Fokk!
Sjáið þig þetta líka?? Er allt bloggið mitt horfið????

ÉG HATA TÖLVUR!!!!!!!!!!!!!!!!!!!!!!!!!!!
[ mán. des. 01, 04:33:06 PM | Eva Signý | edit ]
Hver fann upp myndvinnsluforrit í tölvum???
Segið mér hvar hann á heima og ég fer og rassskelli hann.. og ég meina það!

Af hverju þarf allt sem tengist tölvum að vera svona ógeðslega mikið vesen? Það eina sem ég vil gera er að taka nokkrar myndir, laga þær til og prenta þær svo út.. en neeeeiiii það er sko ekki hægt nema að ég eyði í það þrem dögum og tapi geðheilsunni!!! Prentarinn minn ákvað á þessum viðkvæma tímapunkti á námsferli mínum að hætta að prenta og aðrir prentarar borgarinnar haga sér ekki mikið betur... taka endalausan tíma af því að upplausnin er of há!! Upplausn smupplausn segi ég nú bara.. hvernig á maður að geta vitað þetta allt - ÞAÐ ER EKKI HÆGT!!!
Ég skora á alla tölvugaura í heimi að drullast til að finna upp notendavænar tölvur sem maður getur bara sagt við "ég ætla að fá þessar myndir í A4 ef þér væri ekki sama, notaðu bara bestu og fljótlegustu leiðina" og tölvan og prentarinn vinna saman eins og bestu vinir og ég fæ myndirnar mínar á 10 mínútum!

Ég er hér með búin að stofna samtökin TÖLVUR TIL ANDSKOTANS - þeir sem vilja ganga í þessi samtök vinsamlegast hafi samband við mig

Þynnkuráð: Það virkar ekki að drekka Alkaseltzer fyrir svefninn.. bara þegar maður vaknar.
[ sun. nóv. 30, 03:09:13 PM | Eva Signý | edit ]
Jæja...
Ég sagði EFTIR helgi til ykkar sem eruð búin að kvarta.. og nú er meirað segja sunnudagur og formlega enþá helgi þannig að ég hlusta ekki á neitt rugl!

Ég sá þetta hjá Berglindi og varð auðvitað að taka prófið..


You are a goddess!


Which Ultimate Beautiful Woman are You?
brought to you by Quizilla

Heii.. alveg eins og Berglind, það er sko ekki amalegt!
Ég vissi nú alltaf að ég væri ómótstæðileg en þetta feykir burt öllum efa! Samt frekar glötuð mynd, myndi sko ekki vilja vera þessi gella fyrir mitt litla líf.. þó hún sé kroppur og sona þá er þetta nú frekar hallærislegt og Guiding, hún er eins og strippari í sellófani sem hefur keypt sér vindvél og uppstoppaðan kött! Ég er að pæla í að senda þeim mynd af mér til að þetta þurfi ekki að vera svona púkó..

Lítið er búið að gerast frá því í síðasta bloggi.
Það merkilegasta er líkklega að við erum búin að kaupa okkur bíl. Og það sem meira er þá keyptum við hann af fyrrverandi konunni hans Víkings sem gaf okkur sko fínan díl.. það var samt örugglega af því að bíllinn er svo viðbjóðslega ljótur á litinn að hún hefur ekki viljað hafa hann fyrir utan húsið sitt. Já, liturinn á þessum bíl slær nefnilega öll met í ljótleika (á eftir gulum og kokkteilsósulituðum bílum sem eru náttúrulega mest ógeð!) Hann er nefnilega gulgrænn eins og hor! En mér finnst hann samt æði. Hann er gegt góður og maður finnur hann strax á stórum bílastæðum og svo dettur náttúrulega eingum í hug að stela bíl sem er svona á litinn, það væri eins og að stela fötum úr Tízkufataverzlun Steinunnar!

Síðasti skóladagurinn minn var svo á föstudaginn og nú eru bara smá próf of verkefnaskil eftir og svo bara jólafrí!! Eftir skóla fór ég með Elvu vinkonu að skrifa undir samning af því að hún var að selja íbúðina sína manni sem ég er viss um að hafi verið leikinn af Jóni Gnarr.. þetta var algjört djók! Svo þegar hún var búin að fá milljón í vasann fórum við á barinn ásamt Víkingi og fengum okkur bjór. Þá var klukkan hálffimm. Klukkan hálfþjú fórum við heim og vorum þá búin að drekka örugglega fimm lítra af bjór hvert og búin að semja bestu pikköpplínur í heimi.. misvænlegar til pikköpps reyndar en allar ótrúlega frábærar samt! Ég mundi skrifa þær hér en ég er hrædd um að fullum áhrifum sé ekki náð nema að þeim sé hvíslað með seyðandi röddu inni á skemmtistað - sorry.

Svo komst ég líka að einu hrikalegu! Það eru til strákar sem eyða lengri tíma fyrir framan spegilinn en kærusturnar sínar sem eyða sko samt líka löngum tíma þar! Þeir bera á sig brúnkukrem og blása á sér hárið og setja svo allskona efni í til að geta raðað því betur og ef það mistekst þá bleyta þeir hárið aftur og gera allt uppá nýtt!!!!!!og það sem meira er þá getur þetta enurtekið sig allt upp í fimm sinnum á einu kvöldi!! OH MY GOD segi ég nú bara.. pæliði í því að þurfa að bíða endalaust eftir því að kærastinn sé búinn að taka sig til og gera sig sætan, þvílík MARTRÖÐ! Þá er ég nú fegin að eiga bara mann sem skiptir um peysu og er til í tuskið! - ætli það séu til reglur um það hvað má nota mörg upphrópunarmerki, eins og tildæmis "aðeins má nota eitt upphrópunarmerki á móti hverjum tvöhundruð stöfum í hverri málsgrein"???

Þynnkuhorn Evu:
Drekkiðið kakómalt áður en þið farið að sofa og þá verðiði ekki þunn.. það hjálpar líka að borða heilan djúpsteiktan Camenbert snemma á drykkjuferlinu. Gangi ykkur vel!
[ mán. nóv. 24, 06:45:38 PM | Eva Signý | edit ]
Ég þoli ekki þegar fólk bloggar ekki í lengri tíma...

Ég ætla að blogga eftir helgina!
[ mán. nóv. 10, 03:34:32 PM | Eva Signý | edit ]
Allt fór vel!
Afmælið hennar mömmu heppnaðist! Við þurftum reyndar að byrja á því að reka kvenfélag fríkirkjunnar út úr salnum, en þeim datt allt í einu í hug að vera með basar frá klukkan eitt til fimm þótt þær vissu að það væru hátt í 200 manns að fara að mæta í veislu klukkan sjö.. þvílík frekja!! En við náðum að losna við þær og gátum byrjað að skreyta og undirbúa klukkan fjögur. Kata kom og hjálpaði og við vorum alveg að verða búnar þegar fyrstu gestirnir mættu. Svo gekk bara allt rosa vel.. nokkrir héldu ræður og allir höfðu rosa fallega hluti að segja um mömmu. Ég fór aðeins upp líka, fannst það eiginlega vera skylda mín þar sem elsta barnið mömmu var fjarverandi. Ég var ekkert undirbúin og frekar vandræðaleg en náði að redda þessu með því að vera bara krúttleg og pínu full og segja að mamma væri best í heimi og hrópa fimmfalt húrra... sem ég náði líka að klúðra pínu og þá missti ég töluna en ég held þau hafi örugglega verið fimm... Mömmu fannst þetta allavega voða sætt og fór pínu að gráta - vonandi af stolti en ekki skömm!!!
Ég var mikið að lenda í því að fólk kom til mín og sagði "Nei, er þetta ekki hún Eva litla! Til hamingju með mömmu þína" og ég vissi aldrei hver neinn var og var alltaf eins og asni.. "Takk.. já sæl.. og þú ert aftur..? Já Ólöf sæl.. nei ég man ekki alveg, ha.. jaaá alveg rétt gaman að sjá þig, jú ég hef það rosa fínt.. VANDRÆÐALEG ÞÖGN ..nei, heyrðu þarna er einmitt manneskjan sem ég var að leita að.. gaman að sjá þig" Allt sagt voða kurteisis- og formlega. En þetta skánaði með hverju glasinu og á endanum var þetta orðið meira "hææ.. nei ég man ekkert eftir þér en það skiptir ekki máli, fáum okkur bara rauðvín og sígó.. mhhmmmhmhmm" (allt með Ab Fab rödd)
Eftir veisluna þar fór fólk á Kaffi List og ég var aðeins eftir til að ganga frá og þegar við fórum loksins vorum við búnar að gleyma List og fórum í MA partý á Gauknum. Þar kom sér vel að vera dvergur og ég laumaði mér inni án þess að borga.. OFT! Á meðan stóð Kata frammi og endaði með því að einhver borgaði fyrir hana. Við hittum nokkra MA-inga, s.s. Fanney Dóru, Hörpu Sætu og Arnór og þau voru öll í mega stuði, annars fannst mér staðurinn aðallega innihalda glatað fólk sem virtist ekki einusinni hafa heyrt um MA þannig að ég fór bara heim og spældi egg.

Svo kom sunnudagurinn!
Ég var búin að plana að allt skyldi vera fullkomið þegar kærastinn kæmi heim! Íbúðin skyldi þrifin hátt og lágt, kertum og reykelsum komið fyrir hvarvetna og rómanísk og jafnframt kynþokkafull tónlist sett á fóninn..
Ég vaknaði fyrir hádegi og fékk mér alkaseltzer.
Kl rúmlega tólf fór ég á fætur, braut saman þvottinn og vaskaði upp helminginn af uppvaskinu.
Kl að verða eitt ældi ég spældu eggjunum.
Kl rúmleg eitt lagðist ég upp í sófa og byrjaði að horfa á freinds spólu.
Kl átta stóð ég upp úr sófanum aftur. Þá var ég búin að horfa á friends, dýralífsþátt, malcolm in the middle og viðtal við Davið Attenborough. Ég var líka búin að borða popp og ís.
Kl hálfníu fór ég í sturtu og gerði mig sæta.
Kl að verða tíu fór ég til mömmu.
Kl ellefu lagði ég af stað út á Leifsstöð og sofnaði næstum á leiðinni.
Kl tuttugu mínútur í tólf var ég komin út á flugvöll.
Kl eitt sá ég Víkinginn minn koma út um hliðið og nú er allt frábært!!!!!!!

Ráð dagsins:
Ekki drekka tvöfaldan Tia Maria í bjór!